ජාතික කම්කරු උපදේශක සභාව (NLAC)

NLAC හි අරමුණු පහත පරිදි වේ;

• සමාජ හා කම්කරු ගැටලු සම්බන්ධයෙන් රජය සහ සේව්‍ය සහ සේවක සංවිධාන අතර සමාජ සංවාදය ප්‍රවර්ධනය කිරීම.
• සමාජ හා කම්කරු ප්‍රතිපත්ති, කම්කරු නීති සහ ජාත්‍යන්තර කම්කරු ප්‍රමිතීන් අපරානුමත කිරීම, යෙදවීම සහ ක්‍රියාත්මක කිරීම සම්බන්ධ කරුණුවලදී සේව්‍ය සහ සේවක සංවිධානවල අදහස්, උපදෙස් සහ සහාය ලබා ගැනීමට රජයට සංසදයක් සැපයීම.
• ආර්ථිකය සංවර්ධනය කිරීම, වැඩකරන පරිසරය වැඩිදියුණු කිරීම සහ ජීවන තත්ත්වය උසස් කිරීමේ අරමුණින් රජය සහ සේව්‍ය සේවක සංවිධාන අතර පරස්පර අවබෝධය, යහපත් සබඳතා සහ සමීප සහයෝගීතාව වර්ධනය කිරීම.

NLAC හි කාර්යයන් පහත පරිදි වේ;

පහත සඳහන් කරුණු සම්බන්ධයෙන් රජය සහ සේව්‍ය සේවක සංවිධාන අතර සාකච්ඡා සහ සහයෝගීතාව පැවැත්වීම;

• ජාතික ආයතන පිහිටුවීම සහ ඒවා ක්‍රියාත්මක වීම
• සේව්‍ය සහ සේවකයින්ගේ නීත්‍යානුකූල අයිතිවාසිකම්වලට බලපාන නීති සහ රීති සම්පාදනය කිරීම සහ ක්‍රියාත්මක කිරීම
• කම්කරු ප්‍රමිතීන් අපරානුමත කිරීම සහ ක්‍රියාත්මක කිරීම සම්බන්ධයෙන් ජාත්‍යන්තර කම්කරු සංවිධානයට යවන පිළිතුරු පිළිබඳ කරුණු සලකා බැලීම