පුවත්
අභ්යන්තර ශ්රම සංක්රමණය විධිමත් කිරීම සඳහා පාර්ශ්වකරුවන්ගේ උපදේශන සැසියක්
ශ්රී ලංකාවේ අභ්යන්තර ශ්රම සංක්රමණ (Inward Labour Migration) ප්රතිපත්තියේ මූලික කෙටුම්පත පිළිබඳව සාකච්ඡා කිරීම සඳහා පාර්ශ්වකරුවන්ගේ විශේෂ උපදේශන සැසියක් පසුගියදා පැවැත්විණි. මෙම ප්රතිපත්තියේ අරමුණ වන්නේ ශ්රී ලංකාවට පැමිණෙන විදේශීය ශ්රමිකයන්ගේ ඇතුළුවීම සහ රැකියා නියුක්තිය කළමනාකරණය කිරීම සඳහා සම්බන්ධීකරණය වූ ජාතික රාමුවක් ස්ථාපිත කිරීමත්, එමෙන්ම ශ්රී ලාංකික ශ්රමිකයන්ගේ රැකියා අවස්ථා ආරක්ෂා කිරීමත් ය.
වර්තමානයේදී විදේශීය ශ්රමිකයන් බොහෝ දෙනෙකු අදාල රාජ්ය ආයතනවල නිර්දේශ මත ශ්රී ලංකාවට ඇතුළුවන නමුත්, ඔවුන්ගේ සේවය සැබවින්ම අවශ්යද යන්න සහ ඔවුන් අදාළ රැකියා සඳහා අවශ්ය සුදුසුකම් හා කුසලතා සපුරා තිබේද යන්න තක්සේරු කිරීමට පැහැදිලි නිර්ණායක අවශ්ය බව හඳුනාගෙන ඇත. එමෙන්ම, ඔවුන්ගේ පැමිණීමෙන් පසු අධීක්ෂණය ශක්තිමත් කිරීමේ අවශ්යතාවයද අවධාරණය කෙරිණි.
විදේශීය ශ්රමිකයන් අනුමත සේවායෝජකයන් යටතේ පමණක් සේවය කරන බවත්, රැකියා කාලය අවසන් වූ පසු නියමිත පරිදි දිවයිනෙන් පිටත්ව යන බවත් තහවුරු කරගැනීම සඳහා කාර්යක්ෂම නිරීක්ෂණ පද්ධතියක් ස්ථාපිත කිරීමේ වැදගත්කමද මෙහිදී අවධාරණය විය. මෑතකදී විදේශීය ශ්රමිකයන් සහ අන්තර්ජාල වංචා සම්බන්ධයෙන් වාර්තා වූ සිද්ධීන් ද විදේශීය ශ්රමිකයන් බඳවා ගැනීම හා කළමනාකරණය සඳහා විධිමත් ක්රියාපටිපාටිවල අවශ්යතාවය තවදුරටත් ඉස්මතු කර තිබේ.
මෙම උපදේශන සැසිය සඳහා අදාළ රාජ්ය ආයතන, වෘත්තීය සමිති සහ සේවායෝජක සංවිධාන නියෝජිතයන් සහභාගී වූ අතර, ජාත්යන්තර සංක්රමණ සංවිධානයේ (IOM) සහ ප්රතිපත්ති රාමුව සකස් කිරීමේ උපදේශකයන්ගේ සහායද හිමිවිය. මෙම අවස්ථාව මඟින් පාර්ශ්වකරුවන්ට මූලික කෙටුම්පත සමාලෝචනය කිරීමට සහ එය වඩාත් කාර්යක්ෂම කිරීම සඳහා යෝජනා ඉදිරිපත් කිරීමට අවස්ථාව සැලසිණි.
සාකච්ඡාවලදී පැහැදිලි තක්සේරු නිර්ණායක, ශක්තිමත් අධීක්ෂණ පද්ධති සහ අදාළ ආයතන අතර වඩාත් කාර්යක්ෂම තොරතුරු හුවමාරු යාන්ත්රණයන්ගේ අවශ්යතාවය අවධාරණය කෙරිණි.
මෙම ප්රතිපත්තිය සකස් කිරීම ශ්රී ලංකාවේ අභ්යන්තර ශ්රම සංක්රමණය සඳහා වඩාත් සම්බන්ධීකරණය වූ සහ වගකීම් සහගත ප්රවේශයක් ස්ථාපිත කිරීමේ වැදගත් පියවරක් ලෙස සැලකේ. එය ක්රියාත්මක වීමෙන් පසු, රටේ සැබෑ ශ්රම අවශ්යතා අනුව විදේශීය ශ්රමිකයන් බඳවා ගැනීම සහතික කිරීමත්, ශ්රී ලාංකිකයන්ගේ රැකියා අවස්ථා ආරක්ෂා කිරීමත් අපේක්ෂා කෙරේ.
මෑතකාලීන පළකිරීම්
-
බලහත්කාර ශ්රමයෙන් තොර ශ්රී ලංකාවක් උදෙසා – රාජ්ය නිලධාරීන්ගේ දැනුම හා හැකියාවන් වර්ධනය කිරීමේ වැඩසටහන් මාලාව අඛණ්ඩව ඉදිරියට
2026 නොවැම්බර් 17 පුවත් -
නව කම්කරු නීති සංශෝධනයේ දී ආබාධ සහිත තැනැත්තන්ගේ රැකියා අයිතිවාසිකම් සුරක්ෂිත කිරීමට යෝජනා
2026 නොවැම්බර් 17 පුවත් -
ආගමන ශ්රම සංක්රමණ ජාතික ප්රතිපත්තියක් සැකසීමේ කටයුතු අවසන් අදියරේ
2026 නොවැම්බර් 13 පුවත් -
ගාල්ල කම්කරු කාර්යාලයෙන් සැලසුණු සේවාවන් රැසක් දැන් අම්බලන්ගොඩින්
2026 නොවැම්බර් 13 පුවත් -
ශ්රී ලංකාව සහ දකුණු කොරියාව අතර ඓතිහාසික අවබෝධතා ගිවිසුමක්
2026 නොවැම්බර් 3 පුවත් -
වැඩකරන ජනතාවගේ අයිතිවාසිකම් තවදුරටත් ශක්තිමත් කිරීම යෝජිත කම්කරු නීති ප්රතිසංස්කරණවල ප්රධාන අරමුණයි – නියෝජ්ය කම්කරු අමාත්ය මහින්ද ජයසිංහ
2026 ඔක්තෝබර් 29 පුවත් -
සෞඛ්ය හා සුරක්ෂිතතාවයේ වැදගත්කම
2026 ඔක්තෝබර් 26 පුවත් -
අභ්යන්තර ශ්රම සංක්රමණය විධිමත් කිරීම සඳහා පාර්ශ්වකරුවන්ගේ උපදේශන සැසියක්
2026 ඔක්තෝබර් 22 පුවත් -
සේවක ජීවිතවල වටිනාකම මුදලින් මැනිය නොහැකියි – කම්කරු අමාත්ය ආචාර්ය අනිල් ජයන්ත ප්රනාන්දු
2026 ඔක්තෝබර් 14 පුවත් -
සමාජ රැකවරණ සේවා විධිමත් කිරීම, රැකවරණ සේවකයන්ගේ අයිතිවාසිකම් සුරක්ෂිත කිරීම සහ කාන්තා ශ්රම බලකා සහභාගීත්වය ඉහළ නැංවීම අරමුණු කරගත් 2026–2035 දස අවුරුදු ජාතික ක්රියාකාරී සැලැස්ම ක්රියාත්මක කිරීම සඳහා අමාත්ය මණ්ඩල අනුමැතිය හිමිව තිබේ.
2026 ඔක්තෝබර් 9 පුවත්