මාර්ගෝපදේශ
-
•
ඔබ රජයේ සේවකයෙක් / රජයේ සේවයෙන් විශ්රාම ලැබූ අයෙකු නම් "Government Employee" (රජයේ සේවක) කාණ්ඩය යටතේ ඔබට මෙම සේවාව ලබා ගත හැක.
- සේවා නියුක්තිය තහවුරු කිරීම සඳහා දෙපාර්තමේන්තු ප්රධානියාගෙන් ලබාගත් ලිපියක් හෝ සේවා හැඳුනම්පතේ පිටපතක් උඩුගත කළ යුතුය (PDF, PNG, JPG).
- ඔබ රජයේ සේවයෙන් විශ්රාම ලැබූ අයෙකු නම් විශ්රාම වැටුප් අංකය සඳහන් කළ යුතුය.
-
•
කාමර සඳහා වන මිල ගණන් වගුවේ සඳහන් පරිදි වේ.
-
•
කම්කරු අමාත්යාංශයේ හදිසි රාජකාරී අවශ්යතාවයක් මතුවුවහොත් කෙටි දැනුම්දීමකින් පමණක් වෙන් කිරීම් අවලංගු කළ හැකි බවත් එවැනි අවස්ථාවක ගෙවා ඇති ගාස්තු නැවත ආපසු ගෙවන බවත් කාරුණිකව සලකන්න.
කොන්දේසි
- 1. අයදුම්කරු අදාළ ස්ථානයේ පෞද්ගලිකවම රැඳී සිටිය යුතුය.
- 2. අයදුම්කරු සහ අයදුම්පතෙහි සඳහන් අය හැර වෙනත් කිසිවෙකුට නවාතැන් ගැනීමට අවසර නොලැබේ.
- 3. සේවා ලබා ගැනීම සඳහා, අයදුම්කරුවන් විසින් වෙන් කිරීම තහවුරු කර එවන ලද e-mail පණිවිඩය සහ තම ජාතික හැඳුනුම්පත/සේවා හැඳුනුම්පත ඉදිරිපත් කළ යුතුය.
- 4. අමුත්තන් සංඛ්‍යාව එක් එක් කාමරය සඳහා අවසර දී ඇති උපරිම ධාරිතාව නොඉක්මවිය යුතුය.
- 5. කාමර සහ සපයා ඇති සියලුම දෑ (ඇඳ ඇතිරිලි, තුවා, කොට්ට උර ආදිය ඇතුළුව) පිරිසිදු හා හොඳ තත්ත්වයෙන් පවත්වාගෙන යා යුතුය.
- 6. දේපලෙහි අභ්‍යන්තර හෝ බාහිර පරිශ්‍රයට කිසිදු හානියක් සිදු නොකළ යුතුය. අමුත්තන් විසින් හානියක් සිදු කළහොත්, අලුත්වැඩියා කිරීමේ හෝ ප්‍රතිස්ථාපනය කිරීමේ පිරිවැය අයදුම්කරුගෙන් අය කරනු ලැබේ.
- 7. අමුත්තන්ගේ හැසිරීම අනෙකුත් අමුත්තන්ට අපහසුතාවයක්, බාධාවක් හෝ පීඩාවක් ඇති නොකරන ආකාරයේ විය යුතුය.
- 8. සංචාරක නිවාසය තුළ උත්සව, සාද පැවැත්වීම සහ දුම්පානය සහ මත්පැන් පානය කිරීම සපුරා තහනම්ය.
- 9. ඇඳ ඇතිරිලි, කොට්ට උර ඇතුළු පොදු පහසුකම් සඳහා සංචාරක නිවාසයේ භාරකරු (Caretaker) වෙත ගෙවීම් කළ යුතු අතර, මුළුතැන්ගෙය භාවිතා කරන්නේ නම් ඉන්ධන පරිභෝජනය සඳහාද ගෙවීම් කළ යුතුය. එම ගෙවීම් සඳහා රිසිට්පත් ලබා ගත යුතුය.
- 10. වෙන්කරගත් සංචාරක නිවාසය භාවිතා නොකරන්නේ නම් දින 07කට පෙර දැනුම් දිය යුතුය. කිසිඳු හේතුවක් මත මුදල් ආපසු ගෙවනු නොලැබේ. කෙසේ වෙතත්, මුල් වෙන් කිරීමේ දිනයේ සිට මාස තුනක් (03) ඇතුළත වෙන් කිරීම් වෙනත් දිනයකට මාරු කර ගත හැක.
ඉහත සඳහන් කොන්දේසි හා නියමයන්ට එකඟව නේවාසිකයන් සංචාරක නිවාසය තුළ විනීතව හා විනය ගරුකව හැසිරීම අපේක්ෂා කරන අතර රජයේ දේපලක් වන මෙය ආරක්ෂා කිරීම එහි නවාතැන් ගන්නා ඔබ සැමගේ වගකීම වේ.
